Onderwysers

Mev. Steyn het uiteindelik haar wenskool gevind toe sy aan die einde van Julie 2022 by SAVF Tzaneen Kleuterskool aangesluit het. Saam met die res van die personeel bou sy met passie aan die vooruitgang en groei van ’n kleuterskool waar kinders gehalte-opvoeding in hul eie moedertaal ontvang, en waar Christelike waardes en norme nie net aangeleer nie, maar ook daagliks uitgeleef word.

Ronel se missie is om elke ouer, kleuter en familielid met liefde, respek en vriendelikheid te hanteer. Sy volg ’n oopdeurbeleid: geen probleem word onder die mat ingevee nie, maar eerder dadelik en deernisvol aangespreek. Vir haar gaan dit oor die kind—sy of haar ontwikkeling, die bereiking van volle potensiaal, en die uiteindelike doel om goed voorberei te wees vir die grootskool.