SAVF TZANEEN KLEUTERSKOOL
Ons speelgronde
Ons speelgronde is ontwerp met kinders se veiligheid, gemak en speelvreugde in gedagte. By SAVF Tzaneen Kleuterskool skep ons ’n ruimte waar kleuters vrylik kan beweeg, ontdek en leer. Ons glo dat buitespel en vars lug net so belangrik is soos tyd in die klaskamer. Daarom spog ons met ruim speelareas, goed versorgde fasiliteite en streng toegangsbeheer.
Die veiligheid van ons kleuters is een van ons prioriteite.
Eienskappe van ons speelgrond
- Die speelgrond is baie ruim met baie klim-en-klouter geleenthede.
- Ons is nooit bekommerd oor sonbrand nie aangesien daar lieflike groot bome is wat skaduwee bied.
- In ons fietsiebaan ry die kleuters heerlik rond op fietsies wat die skool voorsien. Daar is ook lekker speelplek.
- Ons kleiner maatjies speel apart omdat dit veiliger is. Hulle speelarea en speelgoed is ook kleiner as die res van die skool.
- Wanneer die warm weer dit toelaat baljaar ons maatjies in die plaspoel wat met ‘n klein bietjie water en baie skuim gevul word.
- Tydens speeltyd is die hele personeel op diens. Kleuters is dus die hele tyd onder toesig. Geen kleuter word in ‘n klaskamer toegelaat sonder toesig nie.
- Die veiligheidsmaatskappy wat betrokke is by die skool is net ‘n oproep vêr.
- Die ontruimingsplan word gereeld geoefen sodat almal op hoogte kan bly van prosedures.
- Die kleuterskool word beskerm deur ‘n 6 voet hoë muur wat toegerus is met ‘n elektriese heining.
- Alle hekke bly te alle tye gesluit.
- Besoekers kan slegs toegang verkry by die hoofingang waar daar streng toegangsbeheer toegepas word.
